8 наурыз Халықаралық әйелдер күніне орай мерекелік ертеңгілік
8 наурыз Халықаралық әйелдер күніне
орай мерекелік ертеңгілік
Суықбұлақ орта мектебінде 8 наурыз Халықаралық әйелдер күніне орай мерекелік ертеңгілік пен сайыстар өте қызықты болып өтті. 1-4 сыныптар арасында «Ана – өмірдің гүлі» атты мерекелік ертеңгілік болды
. Мақсаты: 8-наурыз Халықаралық әйелдер мерекесін атап өту,анаға деген мейірімді, сүйіспеншілікті арттыру, үлкенге ізет, кішіге үлгі бола білуге үйрету. Оқушы бойында ізгілік, инабатгылық,биязылық сияқты қазақ қызына тән жақсы қасиеттерді қалыптастыруға тәрбиелеу. Мерекелік ертеңгілік өте қызықты өтті, ертеңгілікке 1-4 сыныптың ата-аналары арнайы келді. Кішкентай бүлдіршіндер аналары, әпкелері, қыздарға арнап тамаша әндерді тамылжытып айтып, мың бұрала би биледі. Ертеңгілікке келген ата-аналар жүздері бал-бұл жанып, балапандарының өнерін көріп қызықтады. Кішкентай бүлдіршіндер ертеңгілік соңынан жүрек пішіндес қызыл шарлар аналарына сыйлық ретінде табыстады. Мерекенің жоғары деңгейде өткеніне ата-аналар қуанып, балаларының өнерлеріне тамсанып үйлеріне тарасты.
5-8 сыныптар
арасындағы мереке қыздар сайысымен
жалғасты. Тақырыбы «Қыздар көктем гүлдері». Сайысты өткізудегі мақсатымыз: қыз балалардың жан дүниесіндегі көркемдік талғамын
қалыптастыру, қазақ халқының қыз тәрбиелеу салт - дәстүріне байланысты
әдептілікке, инабаттылыққа, ізеттілікке тәрбиелеу,балалардың барлық аналарға
деген сүйіспеншілік сезімін ояту, ана еңбегін ардақтап, құрметтеуге,
адамгершілікке тәрбиелеу,оқушының бойындағы өнері мен дарындылығын дамыту. 5-8 сынып оқушылары жоғарғы деңгейдегі дайындықпен келген екен.
Сайыстың шартындағы «Дәм-думан», «Сән думан», Өз өнерін көрсету бөлімдері оқушыларға өте ұнады. Өнерлерін көрсету барысында 5-сынып « Қамажай» биін, 6-сынып Сүгірдің « Аққу» күйіне би, 7-сынып « Домбыра» биін қалықтап әсем билеп берсе, 8-сынып оқушылары « Мерекем» әнін тамылжыта орындап шықты. Сән үлгісін, шаш үлгісін көрсетуге аса үлкен қызығушылықпен оқушылардың дайындалғаны көрініп тұрды. Сайыс соңынан жеңімпаздар мақтау қағазымен марапатталды.
9-11 сыныптар арасында да мерекелік сайыс өтті. Тақырыбы: «Қыз – ұлт болашағы».
Еліміздің ертеңі мына ұрпақтың қолында. Бүгінгі ұл – ертеңгі әке, бүгінгі қыз
ертеңгі ана. Сол себептен ұлтымыздың салт - дәстүрін, әдет - ғұрпын олардың
бойына сіңіріп өсіру – басты мақсаты.
Сайыс кезеңдері:
1. «Мен қазақтың қызымын» өзін таныстыру. 2мин
2. «Бәйге» салт - дәстүр, әдет - ғұрып, жөн - жоралғы жөнінде сұрақтарға жауап
беру. 1 мин.
3. «Өнерлі өрге жүзер» өз өнерін көрсету. 3мин.
4. «Халқын сүйген - салтын сүйер» үй тапсырмасы 3 - 4 мин.
5. «Қонақ күте білеміз бе?» тағам дайындау. 3 мин
6. «Қыздарға әсемдік жарасады» ұлттық киім үлгісін көрсету.
9-11 сынып қыздары да өте белсенді
қатысты. Жоғарғы сынып оқушылары ретінде салт-дәстүр , әдет-ғұрып туралы
сұрақтарға дұрыс жауап беріп, қызыға сұрақтарды шешті. Өз өнерлерін көрсетуге
де жоғарғы дайындықпен келгендіктерін көрсетті. Қазақтың, өзбек ұлтық тамаша билерін мың бұрала орындап,
көрермендерді тәнті етті. Сайыс
барасында тез арада 1 тағам әзірлеу сайысына оқушылар шапшаңдықпен қатысып, аз
минуттар ішінде әдемі көркемделген ас әзірлеп шықты.Көбінесе көктемгі салат пен
басытқылар жасады.